أهلا وســــــهلا
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  إفرضي

اذهب الى الأسفل 
كاتب الموضوعرسالة
بومحمد
مدير المنتدى
avatar

عدد المساهمات : 198
تاريخ التسجيل : 14/07/2010
الموقع : الخبــــــــــــر

مُساهمةموضوع: إفرضي   الأربعاء يوليو 14, 2010 11:03 pm

إفرضي اني طلعت وكنت متنرفز كثير
ورحت من عندك مضيع بالاماكن والجهات
بعد مااشتد الخلاف بوضعنا واصبح مثير
قلت: اهدي.. والعن الشيطان واطلع في سكات
إتجهت وسايق سيارتي عكس المسير
وصار لي حادث ومت وخبروكي فلان مات
علميني عندها بالله وش ممكن يصير
لوعرفتي من عقب زعلتك ان فارقت الحياة
تلطمين خدودك... تشقين ثوبك مايضير
دامك تلومين نفسك بعد فات الفوات
ليه ماقلتيلي اقعد والزعل ملعون يصير
والله ماتطلع كذا بعصاب مافيها ثبات
ليه خليتني امشي حالتي حالة ضرير
ولا يعني كان حبك حب انانيه وذات
وليه انا من بعد كنت الشخص الاول والاخير
في حياتك بسهوله صرت مثل الذكريات
والله ان تبطين وإنتي ماعلى شفتك غير
إسمي المكتوب ضمن اوراق تقرير الوفاة..!!
تندمين العمر كله او يأنبك الضمير
ما أفرقت ما دامت ماضي في ملفاتك وفات
بس يبقى ذنبي برقبتك وأنا الصب الاسير
وكيف لا عزوك فيني وصرت قدامك رفات
تدركين بوقتها معنى العبوس القمطرير
وتشعرين انك يتيمة اهل وأخوان وخوات
وتذكريني وتذكرين الشعر,, وأنسام العبير
والعطر..’ والورد..’ والبوم الصور’ والاغنيات..,
والسوالف والغناء واهدائنا عبر الاثير..
والاضاءه الخافته والليل واحلى الامنيات
والرسايل والشموع اللي قي مأوانا تنير
والمجلات القديمه,, والكتب والملزمات..’
والهديا من قطع الماس , وعطور وحرير
والاثاث اللي خذا حمرته من لون الشفاة..!!
والبحر والصيف والشاليه واللبس القصير
والشتا واحضانك اللي غير كل المدفئات
والاجازه والسفر والعيد والمطر الغزير
والمقاهي والمطاعم..’ والطرق والتمشيات
وإسمي المخزن بجوالك الباندا الصغير
أجمل الاحساس.. لكن مات ياست البنات"
ذكريات تحاصرك من كل صوب وتستثير
دمعتك في كل غمضه وأنتباه والتفات
عن حكايت حب في هالوقت منقطع النظير
حب يكرم عن ردى الشهوه وألسنة الوشاه؟؟
حب مدري وش بكتب عنه.. لكنه كبير
أكبر من إحساس اصدق شاب مع اوفى فتاة
بس لا تبكين!! يبقى كل ماقلته نذير
وإفتراض لكل مايمكن حدوثه لي ..وات
لجل ذالك فكري وش النهايه والمصير
كلها حفره وجمع من الملاء..عقب الصلاة
والله ماتسوى الحياه نزعل الغالين مير
ساعة الضيق.. يتعكر صفوة الانفس والذوات..!!
ليش اجل مانستغل الوقت دام إحنا بخير
وليش مانرضي حبيبنا... ويلتم الشتات...,,
يعني لازم ننتظر والواقع ايامه تطير
وأحنا ماندري نبات الليل... والا مانبات
العشير اصل يحز بنفسه يزعل عشير..!!
الله اكبر... كيف ما حزت بنفسك هالسوات؟؟
يوم شفتيني طلعت ووضعي النفسي خطير..
وقتها وش دراك يمكن موتتي حانت وجات
فأحرصي دايم علي ... ولا تغيظيني كثير
واذكري دايم شعورك لا دريتي وقيل: مات..!!’

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://latif.akbarmontada.com
 
إفرضي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العبد اللطيف :: منتديات أدبية و شعرية :: منقولات أدبية-
انتقل الى: